Batys Qazaqstanda jappaı aýrýhanaǵa túsken munaıshylarǵa gastroenterokolıt degen dıagnoz qoıyldy, dep habarlaıdy Egemen.kz.
Belgili bolǵandaı, dárigerler kómegine 9 adam júgingen. Kompanııanyń 7 qyzmetkeri Qarashyǵanaq munaı-gaz kondensaty ken ornynda ornalasqan ashananyń birinde keshki as ishkeni anyqtaldy. Sondaı-aq 2 jumysshy keshki asty úıge alyp ketken. Nátıjesinde, tamaqtan taǵy eki adam ýlanyp qaldy.
Onyń ishinde 6 naýqas juqpaly aýrýlar bólimine jatqyzylsa, al 2-eýi jansaqtaý bólimine aýystyryldy.
«Búginde barlyq naýqas aýrýhananyń juqpaly aýrýlar bóliminde jatyr. Úsh naýqas ambýlatorııalyq deńgeıde em-dom qabyldap jatyr. Barlyǵynyń aýrýy ortasha aýyrlyq dárejesinde», dep túsindirdi SEK ókili.
Eske sala keteıik, ótken demalys kúnderi Batys Qazaqstan oblysy Bórli aýdandyq aýrýhanasyna tamaqtan ýlanǵan alty naýqas túsken. Olardyń barlyǵy oblystaǵy munaı-gaz kompanııasynyń qyzmetkerleri.
Sanıtarlyq epıdemıologter jumysshylar tamaqtanǵan kompanııa ashanasynda tekserý jumystaryn bastady.