Almaty oblysynyń 24 jastaǵy turǵyny adam óltirgenin moıyndap, máıitti jasyrǵan jerin kórsetti, dep habarlaıdy Egemen.kz Almaty oblysy Polısııa departameniń baspasóz qyzmetine silteme jasap.
2021 jyly 16 mamyrda Ile aýdanyndaǵy azamattyq is júrgizý kezekshi bólimine jergilikti turǵyndardan shaqyrtý túsken. Oqıǵa ornyna jedel-tergeý toby baryp, belgisiz bireýler arasynda janjal týǵanyn anyqtaǵan.
«Bir táýlik ishinde krımınaldyq polısııa qyzmetkerleri men ýchaskelik ınspektorlar 24 jastaǵy turǵyndy anyqtap, ustady. Ol oqıǵaǵa qatysy bar ekeni týraly birqatar dálel keltirgennen keıin adam óltirgenin moıyndap, máıitti jasyrǵan jerin kórsetti. Aıǵaqtardy tekserý barysynda oqıǵa ornynda, aýyl mańyndaǵy alqaptan 31 jastaǵy turǵynnyń máıiti tabyldy. Jábirlenýshiniń denesinde zorlyq-zombylyq izderi bar. Kúdikti qylmys jasaǵan quraldy laqtyryp jibergen. Ony anyqtaý úshin sharalar qabyldandy», dedi óńirdiń PD ókilderi.
Derek Qazaqstan Qylmystyq kodeksiniń 99-baby 1-bóligi «Adam óltirý» boıynsha sotqa deıingi tergep-tekserýdiń biryńǵaı tiziliminde tirkelgen. Kúdikti ýaqytsha ustaý ızolıatoryna qamaldy.