«Qazgıdromet» sınoptıkteri 19 mamyrda aýa raıynyń buzylýyna baılanysty birneshe óńirde eskertý jarııalady, dep habarlaıdy Egemen.kz.
Nur-Sultan qalasynda kúndiz aýa temperatýrasy 18-20 gradýs jylyǵa deıin kúrt tómendeıdi. Keı ýaqytta naızaǵaı oınap, burshaq jaýýy yqtımal. Jel soltústik-shyǵystan soǵady, kúndiz ekpini 15-20 m/s quraıdy.
Kúndiz Batys Qazaqstan oblysynyń ońtústiginde 35 gradýsqa deıingi qatty ystyq kútiledi. Oblystyń batysynda naızaǵaı, daýyl, burshaq boljanady. Jeldiń kúshi kúndiz 15-20 m/s quraıdy.
Qyzylorda oblysynyń keı jerlerinde kúndiz shańdy daýyl turady. Kúnniń ekinshi jartysynda naızaǵaı kútiledi. Soltústik-shyǵystan soqqan jeldiń ekpini 23 m/s jetýi yqtımal.
Pavlodar oblysynda jańbyr, kúndiz keı jerlerde qatty jańbyr jaýady. 19-20 mamyrda keı jerlerde naızaǵaı, daýyl, burshaq kútiledi. 20-21 mamyrda tuman bolady. 19-21 mamyrda soltústik-shyǵystan soǵatyn jel soltústik-batysqa aýysyp, jyldamdyǵy 25 m/s jetedi. Kúndiz 19-20 mamyrda aýa temperatýrasy 12-20 gradýs jylyǵa deıin kúrt tómendeýi múmkin. Túnde 20-21 mamyrda keı jerlerde 2 gradýs úsik kútiledi.
Kúndiz Atyraý oblysynda keı jerlerde naızaǵaı kútiledi. Kúndiz 37 gradýsqa deıin qatty ystyq saqtalady.
19-20 mamyrda Soltústik Qazaqstan oblysynyń keı jerlerinde naızaǵaı, daýyl, burshaq kútiledi. 20-21 mamyrda keı jerlerdi tuman basady. 19-20 mamyrda soltústik-shyǵystan soǵatyn jel soltústik-batysqa aýysyp, ekpini 25 m/s kúsheıedi. Kúndiz 19-20 mamyrda aýa temperatýrasy 12-20 gradýs jylyǵa deıin kúrt tómendeýi yqtımal. Túnde 20-21 mamyrda 2 gradýs úsik kútiledi.
Qostanaı oblysynyń keı jerlerinde naızaǵaı kútiledi. 20-21 mamyrda tuman boljanady. 19-21 mamyrda soltústik-shyǵystan soǵatyn jel soltústik-batysqa aýysyp, kúshi 15-20 m/s artady. Túnde 20-21 mamyrda oblystyń soltústik-shyǵysynda 2 gradýs úsik kútiledi.
19 mamyrda kúndiz, 20 mamyrda táýlik boıy Shyǵys Qazaqstan oblysynda jańbyr, keı jerlerde qatty jańbyr jaýady. 21 mamyr kúni jańbyr sońy qarǵa ulasýy yqtımal, tuman boljanady. 19-20 mamyrda keı jerlerde naızaǵaı, daýyl, burshaq kútiledi. 19-20 mamyrda jeldiń ekpini 23-28 m/s jetedi. Kúndiz 20 mamyrda aýa temperatýrasy 10-15, keı jerlerde 7 gradýs jylyǵa deıin kúrt tómendeıdi. Túnde 21 mamyrda keı jerlerde 3 gradýs úsik kútiledi.
19 mamyrda Aqmola, Pavlodar, Qaraǵandy oblystarynda jańbyr, kúndiz keı jerlerde qatty jańbyr jaýady. 19-20 mamyrda naızaǵaı, daýyl, burshaq kútiledi. 20-21 mamyrda keı jerlerde tuman bolady. 19-20 mamyrda jeldiń jyldamdyǵy 25 m/s artady. Kúndiz 19-20 mamyrda aýa temperatýrasy 12-20 gradýsqa deıin, túnde 20-21 mamyrda 2 gradýsqa deıin tómendeıdi.