Bul týraly Ortalyq kommýnıkasııalar qyzmetinde ótken brıfıngte QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa tóraǵasynyń orynbasary Lıazzat Súleımen málim etti. Bıyl konkýrs 7-shi ret uıymdastyrylady, dep habarlaıdy Egemen.kz.
«Alty jylda «Mereıli otbasy» konkýrsyna 15 197 otbasy qatysqan. Onyń 62 paıyzy aýyldyq jerlerde turady, bul konkýrs aýqymynyń keń ekenin kórsetedi. Qatysýshylardyń 36,3% kópbalaly otbasylar, 18% jas otbasylar, 17% eńbek dınastıııalarynyń ókilderi bolyp tabylady. Bıyl el Táýelsizdigine 30 jyl. Osyǵan oraı, elimizben birge ósip kele jatqan otbasy quryp, balaly bolǵan «táýelsizdik qurdastaryn» da baıqaýǵa qatysýǵa shaqyramyz. Olar jas otbasy, úlgili otbasy bolý úlgisin qoǵamǵa kórsete alady», dedi Lıazzat Súleımen.
Memleket basshysy óz Joldaýlarynda otbasy jáne bala ınstıtýtyn qoldaý jáne ınklıýzıvti qoǵam qurý máselelerine basa kóńil bólip, qoldaý kórsetýde. Qazirgi ýaqytta Qazaqstanda 2030 jylǵa deıingi otbasylyq jáne genderlik saıasat tujyrymdamasy aýqymdy iske asyrylýda.
«Qazaqstan otbasy saıasatyn tabandy júrgizip kele jatqan memleket bolyp tabylady. Otbasynyń ál-aýqatyn jaqsartýǵa, ana men balanyń quqyǵyn qorǵaýǵa, demografııalyq ósýdi yntalandyrýǵa jáne kóp balaly otbasylardy qoldaý máseleleri árdaıym nazarda. Buǵan dálel retinde Ulttyq bıýdjettiń 48% áleýmettik salaǵa bólinetinin aıta ketýge bolady», dedi spıker.