Memleket basshysy Qasym-Jomart Toqaev Prezıdent Ákimshiligine Soltústik Qazaqstan oblysy Aıyrtaý aýdanyna qonys aýdarǵan azamattarǵa arnalyp salynǵan turǵyn úılerdiń sapasyn tekserý týraly tapsyrma berdi. Bul týraly Prezıdenttiń baspasóz hatshysy Berik Ýálı Facebook-tegi paraqshasynda jazdy, dep habarlaıdy Egemen.kz
«Memleket basshysy «Kazahstanskaıa pravda» gazetinde 24 mamyr kúni jarııalanǵan «Zalojnıkı ravnodýshııa» atty maqalada aıtylǵan máselege nazar aýdardy. Prezıdent Ákimshiligine Soltústik Qazaqstan oblysy Aıyrtaý aýdanyna qonys aýdarǵan azamattarǵa arnalyp salynǵan turǵyn úılerdiń sapasyn tekserý týraly tapsyrma berildi. Tekserý jumystarynyń qorytyndysy boıynsha tıisti shara qoldanylady», deıdi baspasóz hatshysy.