Almatyda zańsyz oıyn bıznesin birneshe márte uıymdastyrǵan Grýzııanyń eki azamaty sottaldy, dep habarlaıdy Egemen.kz.
«Tekserý kezinde «onlaın kazıno» úshin tyıym salynǵan bıznes túrin uıymdastyrýǵa múmkindik beretin qosymshalarymen, atap aıtqanda stavkalardy qabyldaý, utystardy esepteý jáne aqsha berý fýnksııalaryn qoldaıtyn onlaın qumar oıyndary bar 42 oıyn kompıýteri tárkilenip alyndy», delingen Almaty qalasy boıynsha ekonomıkalyq tergeý departamentiniń habarlamasynda.
Buǵan deıin osy mekenjaıda 62 oıyn kompıýteri men 3 oıyn termınaly tárkilenip, osy tulǵalar uıymdastyrǵan oıyn zalynyń zańsyz qyzmetiniń joly kesilgen bolatyn.
«Grýzııanyń eki azamaty QR QK 307-babynyń 3-bólimi 2-tarmaǵy (asa iri mólsherde tabys tabýmen zańsyz oıyn bıznesin uıymdastyrý) boıynsha qylmys jasaǵany úshin kináli dep tanylyp, 4,6 jylǵa bas bostandyǵynan aıyryldy», dep atap ótti basqarmadaǵylar.
Sondaı-aq sotta zańsyz oıyn bıznesi úshin úı-jaıdy jalǵa berýshige qatysty sotqa deıingi tergeý qarastyrylýda.