«Nur-Sultan qalasynyń Kólik jáne jol-kólik ınfraqurylymyn damytý basqarmasy» MM osy jyldyń 26 mamyrynan bastap «Sergek» AО́K Qabanbaı batyr dańǵyly boıyndaǵy aınalma jol aıyryǵynan (Qarqaraly tas joly) Syǵanaq kóshesine deıingi ýchaskede qoǵamdyq kólik jolaǵymen júrgenderdi tirkeıtin bolady, dep habarlaıdy Egemen.kz elorda ákimdiginiń resmı saıtyna silteme jasap.
Atalǵan baǵytta tıisti jol belgileri ornatyldy. Sol sııaqty arnaıy avtobýs jolaǵynyń bar ekeni týraly aqparat beretin jol belgileri salyndy. Bul talaptardy saqtaý — mindet.
«Elorda turǵyndary men qonaqtarynyń barynsha muqııat bolýyn jáne jol qozǵalysyn retteıtin talaptardy saqtaı otyryp kólik júrgizýin suraımyz», delingen tıisti basqarmanyń habarlamasynda.