Bokstan jartylaı orta salmaqtaǵy Olımpıada chempıony Danııar Eleýsinov promoýterimen aradaǵy kelisimshartty buzdy, dep habarlaıdy Egemen.kz.
Ol brıtandyq Eddı Hırniń qol astynda óner kórsetip kelgen. Worldboxingnews.net saıtynyń habarlaýynsha, Danııar iri jekpe-jekter ótkizbegeni úshin kompanııanyń jumysyna kóńili tolmaıtynyn aıtqan. Atalǵan kompanııa kásibı rıngte Danııardan bólek taǵy bir qazaqstandyq bylǵary qolǵap sheberi Gennadıı Golovkınmen jumys isteıdi.
Eske sala keteıik, Eleýsinov ótken jyldyń sońynda namıbııalyq Djýlıýs Indıgony jeńip, IBF Inter-Continental chempıondyq belbeýin ıelendi.