Atyraýda 17 jastaǵy bozbala masań kúıde 2 qabatty turǵyn úıdiń shatyrynan sekirmek bolǵan, dep habarlaıdy Egemen.kz.
Oblystyq tótenshe jaǵdaılar departamenti baspasóz qyzmetiniń aqparatyna súıensek, búgin, 7 maýsymda saǵat 9:32-de Atyraý qalasyndaǵy Ogorodnaıa kóshesinen shaqyrtý túsken.
«Qutqarýshylar oqıǵa ornyna 9 mınýtta jetip, 2004 týǵan jigittiń eki qabatty eski turǵyn úıdiń tóbesinen sekirmek bolǵanyn anyqtady. Bozbala qaraýsyz qalǵan nysandar sanatyndaǵy turǵyn úıdiń shatyryna masań kúıde shyqqan. Jedel qutqarýshylar jasaǵynyń qyzmetkerleri bozbalany saǵat 10:06-da jerge túsirip, polıseılerge tapsyrdy», dep habarlady departamenttiń baspasóz qyzmeti.
Qutqarý jumysyna 4 qyzmetker men 1 tehnıka jumyldyryldy.