Máskeýde alqabıler soty qazaqstandyq stýdent Tomırıs Baısafanyń ólimine qatysty aıyptalýshyny aqtap shyqty, dep habarlaıdy Egemen.kz.
Sotqa qatysqan 6 alqabıdiń tórteýi Mýrtýzalı Medjıdovti kinásiz dep tanydy. Álgi sheshimge saı aıyptalýshyny sot zalynan bostandyqqa jiberdi. Medjıdov advokattary búgin taǵy bir sot otyrysy ótýi tıis ekenin jetkizdi. Onda alqabılerdiń sheshimi talqylanady. Jaýapkershilikti alqabıler ózine aldy.
Esterińizge sala keteıik, 2018 jyldyń sáýir aıynda Máskeýdiń halyqaralyq qatynastar memlekettik ınstıtýtynyń janynan jaraqaty bar 21 jastaǵy qazaqstandyq stýdent qyz tabylady. Dereý Sklıfosovsk atyndaǵy ulttyq zertteý ınstıtýtyna aýyr halde jetkiziledi. Alaıda ol kóp uzamaı qaıtys bolady. Kýágerlerdiń aıtýynsha, qaıǵyly oqıǵaǵa deıin ol ýnıversıtettiń 4-shi qabatynda Mýrtýzalı Medjıdovpen sózge kelip qalǵan.
Bastapqyda Tomırıstiń ólimi óz-ózine qol jumsaýǵa májbúrleý baby boıynsha tekserilgen. Biraq keıin is kisi ólimi babyna almastyrylady. Al bıyl naýryz aıynda Tomırıstiń sheshesi Prezıdent Qasym-Jomart Toqaevqa Reseı tarapyna sottyń ádiletti ótýin jáne alqabıler sotyna qysym kórsetilmeýin jetkizýdi suraǵan edi.