Qytaıda 3 pen 17 jas aralyǵyndaǵy balalar úshin taǵy bir vaksınanyń qaýipsizdigi dáleldendi, dep habarlaıdy Egemen.kz.
Sınofarm kompanııasynyń preparaty Qytaıda arnaıy klınıkalyq synaqtan ótken.
Sondaı-aq Hebeı provınsııasynda koronavırýs indeti órship ketken kezde 3 jastan asqan 60 myń jetkinshekke ekpe salyndy. Sonda vaksına joǵary tıimdiligi men qaýipsizdigin kórsetti. Bul Qytaıda tótenshe jaǵdaıda balalarǵa qoldanýǵa ruqsat etilgen ekinshi preparat. Alaıda azamattardyń osy tobyn vaksınalaýdyń naqty josparyn densaýlyq saqtaý mınıstrligi qurady.
Ázirge eresekterge ekpe salýǵa basymdylyq berilip otyr. Búgingi kúnde Qytaıda 800 mıllıonǵa jýyq ekpe salynǵan.