О́ńirlerde KVI úshin qosymsha tartylǵan aýrýhanalar sany birtindep qysqartyldy. Bul týraly Úkimet otyrysynda Densaýlyq saqtaý mınıstri Alekseı Soı málim etti, dep habarlaıdy Egemen.kz.
Onyń aıtýynsha, 10 maýsymdaǵy jaǵdaı boıynsha elimizde ınfeksııalyq stasıonarlardyń júktemesi 24 paıyzdy, al reanımasııalyq oryndardyń júktemesi 21 paıyzdy qurap otyr.
«Osy oraıda sońǵy aıda ınfeksııalyq jáne reanımasııalyq oryndardyń júktemesi sáıkesinshe 1,9 jáne 1,5 esege tómendedi. Barsha óńirde ınfeksııalyq oryndardyń júkteme deńgeıi tómendep keledi. Onyń ishinde Almaty qalasynda – 4 ese, Aqtóbe oblysynda – 3 ese, Almaty oblysynda – 2,5 ese, sondaı-aq Túrkistan, Qyzylorda, Jambyl oblystarynda 2 ese azaıdy», dedi mınıstr.
Mınıstrdiń sózine qaraǵanda, sońǵy aıda em-dom alyp jatqan naýqastardyń sany 20 myńǵa nemese eki esege tómendedi. О́ńirlerde KVI úshin qosymsha tartylǵan aýrýhanalar sany birtindep qysqartyldy.