Reseıde áskerı-teńiz manevrleri bastaldy, dep habarlaıdy Egemen.kz Reseı qorǵanys mınıstrligine silteme jasap.
«Tynyq muhıty flotynyń kúshterin áskerı basqarý jáne basqarý organdaryn 2021 jylǵa arnalǵan daıarlaý josparyna sáıkes, Tynyq muhıtynyń ortalyq aımaǵynda flot kúshteriniń jattyǵýlary bastaldy», dep habarlady reseılik vedomstva.
Jattyǵý jıynyn Tynyq muhıty flotynyń komandıri, admıral Sergeı Avakıans basqarady.
Qatysýshylar ártúrli tapsyrmalardy, sonyń ishinde muhıttyq kommýnıkasııalardy qorǵaý jáne saqtandyrý kezinde bazalyq pýnktterden alys toptarǵa basshylyq jasaýdy, sondaı-aq kemeler men áýe kemeleriniń ózara árekettesýin pysyqtaıtyn bolady.
Taktıkalyq toptar qazirdiń ózinde tórt myń shaqyrymǵa jýyq joldy júzip ótip, belgilengen jerge óz kúshterin shoǵyrlandyrdy. Manevrlerge 20-ǵa jýyq jer ústi áskerı kemeleri, súńgýir qaıyqtar men tirek kemeleri qatysady.