Koronavırýstyń úndi shtamy Eýropada taralýy múmkin. Dúnıejúzilik densaýlyq saqtaý uıymy osyndaı qaýipti boljam jasady, dep habarlaıdy Egemen.kz.
«Koronavırýstyń úndi shtamy qazir bizdi qatty alańdatyp otyr. Tipti bul mýtasııa ımmýnıteti myqty adamdarǵa da juǵady. Sondyqtan saqtyq sharalaryna beı-jaı qaramańyzdar. Onyń ústine qazir qoǵamdyq is-sharalar, túrli festıvaldar men sporttyq týrnırler kóp ótip jatyr», deıdi DDSU Eýropa aımaqtyq bıýrosynyń dırektory Hans Klıýge.
Úndistandaǵy Bıhar shtatynyń bıligi myńdaǵan adamnyń koronavırýstan kóz jumǵanyn jasyryp kelgen. Basynda resmı derekte 5424 dep kórsetilgen qurbandar sany áp-sátte 9 myńnan asyp ketken.
Bul jaǵdaı aımaq ortalyǵy Patna qalasy sotynyń talaby boıynsha úkimet indetten qaıtys bolǵandar týraly málimetti teksergennen keıin belgili bolǵan. Adamdardyń kóbi bos oryn tabylmaǵan aýrýhanalardyń syrtynda nemese úıinde jan tapsyrǵan. Biraq jergilikti bılik bilse de, olardy esepke almaǵan.