Túrkistan oblysynda «Báıdibek ata» jáne «Qaraqýyc» sý qoımalarynyń qurylysy aıaqtalýǵa jaqyn. «Báıdibek ata» sý qoımasy Túrkistan oblysynyń Báıdibek aýdanynda, Balabógen men Úlken Bógen ózenderi toǵysatyn jerde, 860 gektar aýmaqta salynyp jatyr, dep jazady Egemen.kz.
Nysan vegetasııaaralyq kezeńde sýdy jınap, al vegetasııa kezeńinde qosymsha sý kólemin Bógen sý qoımasyna tıimdi baǵyttaýǵa múmkindik beredi. Qazirgi ýaqytta joba boıynsha jumystardyń 80%-y oryndaldy.
«Báıdibek ata» sý qoımasynan Bógen sý qoımasyna sý jiberýdi retteý úshin «Sarqyrama» kanaly salynyp jatyr. Uzyndyǵy 21,7 km bolatyn bul nysan sekýndyna 12 tekshe metr sý ótkize alady, sondaı-aq 2,5 myń gektar sýarmaly jerdi sýmen qamtamasyz etedi.
Shúlbi sý qoımasynan 6,32 mlrd tekshe metr sý jiberildi
Kólemi 1,2 mln tekshe metr bolatyn «Qaraqýyc» sý qoımasy Túrkistan oblysynyń Tólebı aýdanynda salynyp jatyr. Bul nysan 500 gektar sýarmaly jerdi sýmen qamtamasyz etýge múmkindik beredi.
Qarǵaly sý qoımasyna kúrdeli jóndeý júrgiziledi
Eki sý qoımasyndaǵy qurylys-montaj jumystary jyl sońyna deıin tolyq aıaqtalady.
«Jańa sý qoımalary tasqyn jáne erigen qar sýyn tıimdi paıdalanýǵa múmkindik beredi. Bul ásirese klımattyń ózgerýi jaǵdaıynda óte mańyzdy. Qosymsha sýarmaly jerlerdi ıgerýge múmkindik paıda bolady, sondaı-aq Bógen sý qoımasyndaǵy sý deńgeıin qaýipsiz retteýge jaǵdaı jasalady. Gıdrologııalyq esepteýler boıynsha, Bógen ózeni arqyly jyl saıyn orta eseppen 165 mln tekshe metr sý keledi. Sondyqtan bul sýdy jınap, jergilikti turǵyndardyń qajetine baǵyttaý mańyzdy», dedi Sý resýrstary jáne ırrıgasııa mınıstri Nurjan Nurjigitov.