Ulttyq statıstıka bıýrosynyń málimetinshe, 2025 jyly elimizge turaqty turýǵa 23 761 adam keldi, al ketkenderdiń sany 7 608 adamdy qurady, dep jazady Egemen.kz.
2024 jylmen salystyrǵanda elden ketkender sany – 40,2% azaıdy, elge kelgender sany – 18,9% kemidi.
Negizgi kóshi-qon almasýy TMD elderi arasynda júrgen. Dostastyq elderine barlyq kelýshilerdiń 81,8%-y jáne ketkenderdiń 71,8%-y tıesili. Basqa elderdiń ishinde Qytaıdan, Mońǵolııadan jáne Germanııadan kelgenderdiń sany kóp bolsa, ketken elder arasynda azamattar Germanııa, Polsha jáne AQSh-qa kóbirek kóshken.
Eńbek kóshi-qonynda táýekel kóp
Kelgenderdiń basym bóligi turaqty turý úshin elimizdiń óńirleri arasynda Almaty oblysyn – 5 754 adam, Almaty qalasyn – 4 068 adam jáne Mańǵystaý oblysyn – 3 562 adam tańdaǵan.
Elden ketkenderdiń kóbi Qaraǵandy oblysynan – 1 451 adam, Almaty qalasynan – 757 adam jáne Shyǵys Qazaqstan oblysynan – 685 adam kóship ketken.
El múddesine saı jańa kóshi-qon saıasaty
Shetelden ketkender men kelgenderdiń negizgi úlesi 35-39 jas aralyǵyndaǵy azamattar. Elden ketkender jáne kelgender arasynda tehnıkalyq jáne ekonomıkalyq bilimi bar adamdar sany basym.
2024 jylmen salystyrǵanda el ishindegi kóshi-qon – 13,6% ósti. О́ńirler arasynda elimizdiń 4 aımaǵynda halyq kóshi-qonynyń oń aıyrmasy baıqalyp otyr. Atap aıtqanda, Astanada − 87 459 adam, Almaty qalasynda − 33 126 adam, Shymkentte − 15 130 adam, Almaty oblysynda − 12 110 adam.
Qazaqstanda 2030 jylǵa deıingi kóshi-qon saıasatynyń jańa tujyrymdamasy ázirlendi