Úkimet otyrysynda Premer-mınıstr Oljas Bektenov avıasııa salasyn damytý men halyqaralyq áýe qatynasyn keńeıtý eldiń ekonomıkalyq ósýi úshin mańyzdy baǵyt ekenin atap ótti. Astanadan Tokıo men Nıý-Iorkke tikeleı reısterdi jyl sońyna deıin iske qosýdy tapsyrdy, dep habarlaıdy Egemen.kz.
Oljas Bektenovtiń aıtýynsha, Halyqaralyq azamattyq avıasııa uıymy strategııalyq josparyna sáıkes, 2050 jylǵa qaraı jolaýshylar sany jylyna 12 mlrd-tan asady, al álemdik kommersııalyq áýe parki 2034 jylǵa qaraı eki esege ulǵaıady. Osy jaǵdaıda Qazaqstan jahandyq avıasııalyq júıede óz ornyn nyǵaıtýy tıis.
«Jańa halyqaralyq baǵyttardy, atap aıtqanda Eýropalyq odaq elderi men AQSh-qa reıster ashý jumysyn jedeldetý qajet. Bul rette bılet baǵasy básekege qabiletti bolýǵa tıis. Ásirese, Astanadan ushatyn halyqaralyq áýe baǵyttaryna erekshe nazar aýdarǵan jón», dedi Oljas Bektenov.
Astanadan Tokıo men Nıý-Iorkke tikeleı reıster qashan ashylady?
Sonymen qatar Úkimet halyqaralyq marshrýttyq jelini keńeıtýge basymdyq berip otyr.
Osyǵan baılanysty Kólik mınıstrligine Air Astana kompanııasymen birlesip, Astanadan Tokıo men Nıý-Iorkke tikeleı reısterdi 2026 jyldyń sońyna deıin ashý tapsyryldy. Al 2027 jyly London, Parıj, Rım, Vena sııaqty Eýropa qalalaryna jańa baǵyttar iske qosylmaq.
«Investorlar men týrısterdi tartamyz desek, bul – óte mańyzdy másele», dedi Premer-mınıstr.
Buǵan deıin Qazaqstan áýejaılarynda jolaýshylardy bet-álpet arqyly tirkeý engiziletini týraly habarlaǵanbyz.