Memleket basshysynyń ókimimen Snejanna Valerevna Imasheva Otbasy máseleleri jónindegi ýákil qyzmetine taǵaıyndaldy. Ol sondaı-aq Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııasy tóraǵasynyń orynbasary laýazymyn qatar atqarady, dep habarlaıdy Egemen.kz.
Otbasy máseleleri jónindegi ýákil ınstıtýty qoǵamdaǵy otbasy qundylyqtaryn nyǵaıtýǵa, áıelder men balalardyń quqyqtaryn qorǵaýǵa, sondaı-aq demografııalyq saıasatty iske asyrýǵa baǵyttalǵan jumystardy úılestirýge yqpal etedi. Bul qyzmet memlekettik organdar men qoǵamdyq uıymdardyń ózara is-qımylyn kúsheıtýge de arnalǵan.
Qazaqstanda bıznespen aınalysatyn áıelderge kimder kómektesedi?
Ulttyq komıssııa áıelder quqyǵyn qorǵaý, genderlik teńdikti ilgeriletý, otbasy ınstıtýtyn qoldaý jáne demografııalyq saıasatty damytý baǵytyndaǵy memlekettik bastamalardy úılestirýmen aınalysady. Snejanna Imashevanyń jańa qyzmeti osy salalardaǵy jumysty júıeleýge jáne qoǵamdyq mańyzy bar jobalardy iske asyrýǵa baǵyttalmaq.