Pavlodar qalasynda belgisiz er adam turǵyn úıdiń kireberisine benzın shashyp, órt qoıýǵa áreket jasaǵan. Oqıǵa tańerteńgi ýaqytta bolǵan, dep habarlaıdy Egemen.kz.
Kýágerlerdiń aıtýynsha, qolynda benzın quıylǵan kanıstrasy bar er adam podezd ishinde qabyrǵalarǵa, edenge jáne syrtqa shyqqan turǵyndarǵa janarmaı shashqan. Oqıǵa beınebaqylaý kamerasyna túsip qalǵan.
Pavlodar oblystyq polısııa departamenti kúdiktiniń jeke basy anyqtalǵanyn habarlady. Qazirgi ýaqytta ony ustaý boıynsha izdestirý sharalary júrgizilip jatyr.
«Quqyq buzýshyǵa qatysty usaq buzaqylyq faktisi boıynsha ákimshilik is qozǵaldy. Materıal prosessýaldyq sheshim qabyldaý úshin sotqa joldanady», dep málimdedi polısııa ókilderi.
Astanada kólik órtendi: Zardap shekkenderdiń qazirgi jaǵdaıy qalaı?
Oqıǵa saldarynan zardap shekkender týraly aqparat túsken joq. Qazir oqıǵanyń barlyq mán-jaıy anyqtalyp jatyr.