2026 jyldyń 31 mamyrynda Astanada Qazaqstan Respýblıkasy Qaýipsizdik Keńesiniń Hatshysy Ǵızat Nurdáýletov pen Saıası bıýro múshesi, Qytaı Kommýnıstik partııasy Ortalyq komıteti Saıası-quqyqtyq komıssııasynyń Hatshysy Chen Vensınniń tóraǵalyǵymen qaýipsizdik máseleleri boıynsha Qazaqstan-Qytaı konsýltasııalary ótti.
Quqyq qorǵaý jáne arnaıy organ basshylarynyń qatysýymen ótken jıyn barysynda birqatar ózekti másele qaraldy. Taraptar halyqaralyq jáne óńirlik qaýipsizdiktiń túrli aspektileri, BUU, ShYU, AО́SShK jáne «Ortalyq Azııa – Qytaı» formatyn qosa alǵanda, halyqaralyq, sondaı-aq óńirlik qurylymdar sheńberindegi úılestirý máseleleri boıynsha pikir almasty. Transshekaralyq qylmyspen kúres, halyqaralyq lańkestik jáne ekstremızmge, separatızmge qarsy is-qımyl salalarynda birlese kúsh jumyldyrý qajettigi aıtyldy.
Ǵızat Nurdáýletov pen Chen Vensın qazirgi qyr kórsetýler men qaterlerge qarsy turý, saýda-ekonomıkalyq yntymaqtastyqty ilgeriletý úshin qolaıly jaǵdaı jasaý maqsatynda qaýipsizdik salasyndaǵy dıalogti júıeli negizde damytý, sonyń ishinde eki eldiń kúshtik qurylymdary arasyndaǵy ózara is-qımyldy nyǵaıtýdyń mańyzy týraly pikirlesti.