Bir jylǵa shegerilip, fýtbol jankúıerlerin asyǵa kúttirgen kári qurlyqtaǵy dop dodasynyń alǵashqy matchy Italııa qurama komandasynyń paıdasyna sheshildi. «Skýadra Adzýrra» 3-0 esebimen jeńiske jetti, dep jazady Egemen.kz.
Oıyndaǵy alǵashqy goldy 53-shi mınýtta Túrkııa qorǵaýshysy Merıh Demırel óz qaqpasyna kirgizip aldy. Sodan keıin Apennın túbeginiń ókilderi taǵy eki gol saldy. 66 mınýtta Immobıle qaqpashyny qapy qaldyrsa, 79-shy mınýtta shabýylshy Insıne mergendigimen tanyldy.
Esep 3:0 bolǵany áser etti me, oıynnyń sońǵy 2 mınýtynda túrik fýtbolshylary 2 sary qaǵaz da alyp úlgerdi. Eskertý alǵandar: Seıýndjıý (88) men Dervıshoglý (90).
Aıta keteıik, oıyn elorda ýaqytymen 00:50-de «Qazaqstan» jáne «Qazsport» telearnalarynan tikeleı efırde bastaldy.
Bıylǵy birinshilikte barlyǵy 24 qurama synǵa túsedi. Árbir toptan úzdik eki komanda men kórsetkishi joǵary tórt qurama jarysty jalǵastyrýǵa múmkindik alady. Quramalar tómendegi toptarǵa bólingen:
A toby: Ýels, Shveısarııa, Túrkııa, Italııa;
V toby: Fınlıandııa, Belgııa, Reseı, Danııa;
S toby: Ýkraına, Avstrııa, Soltústik Makedonııa, Nıderlandy;
D toby: Horvatııa, Shotlandııa, Chehııa, Anglııa;
E toby: Shvesııa, Polsha, Slovakııa, Ispanııa;
F toby: Germanııa, Vengrııa; Portýgalııa, Fransııa;