Oblystyq densaýlyq saqtaý basqarmasynyń baspasóz qyzmetinen túsken aqparatqa qaraǵanda, ótken táýlikte 43 adamnan qaýipti vırýs tabylyp otyr, dep habarlaıdy Egemen.kz.
Onyń ishinde 38 naýqas Atyraý qalasynda tirkelgen. Al, Teńiz ken ornynda – 2, Jylyoı aýdanynda – 1 adam, Inderde – 1, Maqat aýdanynda 1 adam koronavırýs ınfeksııasyna shaldyqqan.
«О́tken táýlikte koronavırýs ınfeksııasynan 11 adam emdelip shyqty. Qazir 528 adam úı jaǵdaıynda emdelý úshin oqshaýlandy. Modýldik aýrýhanada – 118, №2 oblystyq aýrýhanada – 100, ftızıopýlmanologııalyq ortalyqta – 17, aýdandyq ınfeksııalyq stasıonarlarda 64 adam emdelip jatyr. Al Teńiz ken ornyndaǵy ınfeksııalyq stasıonarda 42 pasıent jatyr», dep habarlady basqarmanyń baspasóz qyzmeti.