Bilim jáne ǵylym mınıstrligi pedagogterdiń sapalyq quramyn arttyrý boıynsha sharalar qabyldady, dep habarlaıdy Egemen.kz.
Pedagogıkalyq mamandyqtarǵa túsý úshin shekti ball 50-den 75 balǵa deıin kóterildi. О́tken jyly «Altyn belgi» tósbelgisiniń ıegerleriniń sany aıtarlyqtaı ósti.
2020 jyldan bastap pedagogıka mamandyǵynyń túlekteri pedagog-moderator biliktiligin ala alady. Ol úshin Ulttyq biliktilik testileýden ótip, óz daǵdylaryn kórsetý kerek. Sonymen qatar biliktilik sanattaryn rastaıtyn pedagogter jalaqynyń 30%-dan 50%-ǵa deıingi mólsherinde qosymsha aqy alatyn bolady.
2021 jyldan bastap dıplomǵa qosymsha pedagogıkalyq mamandyq túlekteriniń mindetti túrde biliktilik alýy engiziledi. Olar kásibı sheberlik boıynsha sertıfıkattaýdan ótýi kerek.
Alǵash ret mektepke deıingi bilim berý pedagogterin attestattaý engizildi, bilim berý uıymdarynyń dırektorlary men balabaqsha meńgerýshilerin taǵaıyndaý tártibi ózgerdi.