Maestronyń sheberlik sabaǵy

– О́tken 8 maýsymda opera trýppamyz tolyq qalyptasty, endi osy ýaqyt aralyǵynda so­lıs­terdiń vokaldyq qalybyn saqtaýǵa kúsh salamyz. Teatr – ká­sibı sahna, oǵan jeńil qa­raýǵa bolmaıdy. Sondyqtan óner­pazdar joǵary deńgeıde bolýy úshin oǵan damý qajet, sol úshin basshylyq olarǵa túrli sheber­lik sabaqtaryn uıymdasty­ryp tu­rady. Máselen, opera trýp­pamyzben birneshe ret pro­fess­or, ıtalııalyq koých Alla Sımo­nısh­vılı, ataqty maestro Djýzeppe Akýavıva jáne taǵy basqa talantty tulǵalar jumys is­tedi. Anatolıı Alekseevıch Gý­sev­tiń de orny bólek, ustazdyq táji­rıbesi mol, onyń shákirt­te­ri halyqaralyq deńgeıde óte tanymal. Endi bizdiń solıster de onymen jumys isteý múmkindigine ıe boldy, − dep atap ótti opera trýppasynyń dırektory, professor, Qazaqstannyń eńbek si­ńir­gen qaıratkeri Azamat Jyl­tyrkózov.

Qazirgi kúni Anatolıı Gý­sev Mılanda turady, sonda ope­ralyq án aıtý mektebiniń negizin qalaǵan. Sonymen birge ol Sibe­rian Solo jas vokalısterdiń shy­ǵarmashylyq zerthanasynyń us­tazdar tobyna engen, qazylar al­qasynyń múshesi retinde ha­lyq­aralyq jáne ıtalııalyq vo­kal­dyq baıqaýlarǵa jıi qaty­sady.

– Bul meniń «Astana Ope­raǵa» tórtinshi kelýim. Bir ja­ǵynan, jumys qarapaıym, al ekinshi jaǵynan – kúrdeli. Kún saıyn 7-8 solıstpen tehnı­ka­lyq daıyndyq, stıldi túze­tý, operalardyń ıtalııalyq, fran­­­­sýzdyq mátinderin aıtýy bo­ıyn­sha daıyndalamyz. Keı­bir ánshiler joǵary notalar­dy, keıbiri tómengisin ala almaı jatady. Belgili bir solıs­termen rechıtatıv boıyn­sha ju­mys isteımiz. Sondaı-aq ma­ǵan aldaǵy ýaqytta Dj.Ver­dıdiń «Travıata» operasyna solısterdiń eki quramyn da­ıyndaý júkteldi. Aldaǵy 20 maý­symda «Astana Operaǵa» shákir­tim – neapolıtandyq sop­rano Elena Somma men Domo­dos­sola qalasynan ánshi, lırıka­lyq barıton Mattıa Rossı keledi. Ol osy teatr sahnasynda G.Do­nısettıdiń «Mahabbat sýsy­ny» operasynda serjant Bel­koreniń partııasynda debıýt jasaıdy. Elena Somma atalǵan operadaǵy Adınanyń rólin oryn­daıdy. Taǵy bir daryndy shákirtimniń biri – myqty ba­rıton Badral Chýlýýnbaatar Dj.Verdıdiń «Aıda» operasynda Amonasronyń rólin somdasa, tenor Saıan Isın «Aıda» operasyndaǵy Radamestiń par­tııasyn shyrqaıdy. Al «Asta­na Opera» solısteri bar kúsh-jigerimen izdenip, qushtar­lyq­pen eńbek etip jatyr, olarǵa kómektesip jatqanyma dán rızamyn. Biz ómir boıy bilim alamyz, al vokalıst óz-ózin únemi jetildirip otyrmasa qıyn. Jyl sanap daýysymyz ózgeredi, sol sebepti biz de soǵan qaraı qaı­ta ózgerýimiz qajet, bul – toq­taýsyz jumys úrdisi, – dedi A.Gýsev.