Ekinshi týrdyń sońǵy oıynynda Ispanııa men Polsha quramalary teń tústi, dep jazady Egemen.kz.
Esepti matchtyń 25-mınýtynda Ispanııa shabýylshysy Alvaro Morata ashty. Ol Jerar Morenonyń qaptaldan bergen ádemi pasyn qaqpaǵa qaraı ysyra salǵan edi.
Budan keıin komandalar alma-kezek shabýyl jasaǵan. Biraq birinshi taımnyń sońyna deıin tablodaǵy kórsetkish ózgergen joq. Ekinshi taımda Polsha jaýap qaıtardy. 54-mınýtta oń qaptaldan áýelete kóterilgen dopqa birinshi jetken Robert Levandovskıı tarazy basyn teńestirdi.
Oıynnyń qalǵan bóliginde esep ózgerissiz qaldy. Alaıda 56-mınýtta Ispanııa quramasy penaltı tebýge múmkindik alǵan edi. Moreno tepken dop qaqpa baǵanasynan keri serpildi. Oǵan birinshi jetken Morata ashyq turǵan qaqpany kózdeı almady.
Osylaısha, ekinshi týrdan keıin «Roha fýrııa» eki upaımen toptyń úshinshi satysyna jaıǵasty. Birinshi oryndaǵy Shvesııa quramasynda 4 upaı bar. Úsh upaıy qorjynda jatqan Slovakııa ekinshi orynda. Topty qorytyndylap turǵan Polshada 1 upaı bar.
Goldar:1:0 – 25 Morata, 1:1 – 54 Levandovskı.
Ispanııa – Ýnaı Sımon, Paý Torres, Alba, Laport, Rodrı, Lorente, Olmo (Ferran Torres, 61), Koke (Sarabııa, 68), Pedrı, Morata (Oıarsabal, 87), Jerar Moreno (Fabıan Rýıs, 68).
Polsha – Shchensny, Bednarek (Davıdovıch, 85), Glık, Bereshınskı, Pýhach, Klıh (Kozlovskı, 55), Iýzvıak, Zelınskı, Moder (Lınettı, 85), Shvıderskı (Frankovskı, 68), Levandovskı.
Eskertý alǵandar:Klıh (36), Moder (57), Iýzvıak (59), Paý Torres (81), Levandovskı (90), Rodrı (90).