Meıirim shýaǵy

Mazmundy is-sharanyń maqsaty  – erekshe bilim alýdy qajet etetin balalardyń shyǵarmashylyq áleýetin arttyrý, olardyń daryndylyq qabileti men mádenı erekshe­ligin damyta otyryp, ınklıý­zıv­ti qoǵamda táýelsiz ómir súrýine yqpal etý.

Festıvaldyń ashylýynda Ulttyq mýzeıi dırektorynyń qor qyzmeti jónindegi orynbasary Abaı Satybaldın jınal­ǵandardy  mádenı sharamen qut­tyqtap, erekshe bilim alýdy qajet etetin balalardyń shyǵarmashylyq áleýetin art­tyrýdyń mańyzdylyǵyn aıtyp, osy baıqaýdy ótkizýge qoldaý kórsetken Nur Otan partııasynyń Nur-Sultan qalalyq fılıaly men «Dar» qoǵamdyq qoryna alǵysyn jetkizdi.

О́z kezeginde «Dar» qoǵam­dyq qory basqarmasynyń tóraıy­my Dınara Rahımbekova qoǵamda erekshe balalardyń múmkindikterin keńeıtýge baǵyttalǵan jobalardyń damyp kele jatqanyn atap ótti.

«Dar» qoǵamdyq qory – árqashan osyndaı bastamalardy qoldap, erekshe balalardyń ómir súrý jaǵdaılaryn jaq­sar­týǵa jáne olardy damytý múmkindikterin keńeıtýge baǵyt­talǵan jobalardy jú­zege asyryp keledi. Búgin­gi ótkizip otyrǵan sharamyz bala­larǵa unap, jaqsy kóńil kúı syılady dep oılaımyn», – dedi ol. Sonymen qatar  Nur-Sultan qalasy Nur Otan partııasynyń «Birlik» fılıaly tóraǵasynyń birinshi orynbasary Shyńǵyshan Qojahmetov te  oqýshylardyń áleýmettený múmkindikteri men qoǵammen qarym-qatynas joldaryna toqtaldy.

Mádenı is-shara  damytýshy sheberlik sabaqtar úlgi­sinde ótip, oǵan 7-18 jas aralyǵyndaǵy erekshe bilim alýdy qajet etetin 60-qa jýyq bala qatysty. Festıval baǵdar­­lamasynda «Meniń elim – meniń Qazaqstanym» taqy­ry­byndaǵy «Sheberler ǵalamshary» mýzeılik úıirmesi­ne qatysýshylardyń shyǵar­ma­shy­lyq jumystarynyń kórmesi jáne «Kıizden sýret: kıiz basý», «Sazterapııa», «Tumar jasaý» jáne «Ermek­sazdan peızaj» taqyry­bynda 4 sheberlik sabaǵy uıymdas­ty­ryldy. Osy sheberlik saba­ǵynda balalar kıizden túrli-tústi kartınalar, áde­mi tumarlar, ermeksazdan tabı­ǵat kórinisterin, sondaı-aq, qolóner sheberlerimen bir­ge kóze urshyǵynda sazdan qumyra jasady. Aıta keteıik,  «Sazterapııa» sheber­lik saǵatyn kózeshi sheber Aza­mat Ysqaqov pen №65 mektep-gımnazııanyń tár­bıeshisi Ásel Qaısanova ót­kizse,  «Ermeksazdan peızaj» sheberlik saǵatyn «Qasıetti jol» ońaltý ortalyǵynyń ádiskerleri júrgizdi. Al Nur Otan partııasynyń Jas Otan jastar qanatynyń jáne Adal Volenteer Club músheleri fes­tıvalda erikti retinde jumys istedi. Sonymen qatar balalar aqyny Dına Orazdyń  festıvalǵa arnap jazǵan «Meıirim ordasy» óleńin Eldos Iskendirov pen Arnur Haı­rýl­lın naqyshyna keltirip oqyp berdi. Festıval sońynda qaty­sýshy balalarǵa arnaıy syılyq sertıfıkaty tabys etildi.