Densaýlyq saqtaý mınıstrligi men birqatar múddeli taraptardyń usynysy boıynsha Respýblıkalyq arnaıy komıssııa Aýǵanstan Islam Respýblıkasynda koronavırýs ınfeksııasy boıynsha epıdemıologııalyq jaǵdaıdyń ýshyǵyp kele jatqandyǵyn eskere otyryp, ózbek-aýǵan shekarasy arqyly azamattardyń ótýin ýaqytsha toqtatý týraly sheshim qabyldady, dep habarlaıdy Egemen.kz.
DSM-niń málimetinshe, Aýǵanstan Islam Respýblıkasynyń azamattaryna týrıstik vızalar berý, sondaı-aq týrıstik agenttikterden vızalyq ótinishterdi qabyldaý da toqtatylady.
Tek, «Termiz-Avtojol» shekara beketi arqyly kelesi sanattaǵy azamattar men kólik quraldaryna ótýge ruqsat berilgen: dıplomatııalyq ókildikterdiń, konsýldyq mekemelerdiń jáne halyqaralyq uıymdardyń qyzmetkerleri jáne olardyń otbasy músheleri; halyqaralyq júk tasymaldaýmen aınalysatyn júrgizýshiler; óz eline qaıtyp jatqan О́zbekstan Respýblıkasy men Aýǵanstan Islam Respýblıkasynyń azamattaryna ruqsat.
Sondaı-aq «Termiz-Avtojol» shekara beketi arqyly О́zbekstan Respýblıkasyna keletin adamdar tarapynan ótkizý pýnktinde jumys isteıtin arnaıy klınıka nemese zerthanada antıgendi ekspress-testiniń teris nátıjesi bolǵan jaǵdaıda, ol О́R aýmaǵyna qabyldanady.
Koronavırýs ınfeksııasynyń oń nátıjesi bar О́zbekstan Respýblıkasynyń azamattary oblystaǵy arnaıy klınıkalarǵa emdelýge jiberiledi. Koronavırýs ınfeksııasynyń oń nátıjesin kórsetken shetel azamattary О́zbekstan Respýblıkasynyń aýmaǵyna kirgizilmeıdi.
Budan bólek, synaq retinde sanıtarlyq-epıdemıologııalyq qadaǵalaý jáne qoǵamdyq densaýlyq saqtaý qyzmeti О́zbekstan Respýblıkasyna shekara beketteri arqyly kiretin barlyq azamattardan, el aýmaǵyna kirgennen keıin 7 kúnge deıin koronavırýs ınfeksııasyna polımeraza tizbekti tekserý ótkizilip, synaq shyǵyndaryn memlekettik bıýdjetten óteý júıesi engiziledi.