Qalalyq volonterler shtabynyń eriktileri Abu Dhabi Plaza SOO-daǵy vaksınasııa pýnktine baryp, COVID-19-ǵa qarsy ekpe aldy, dep habarlaıdy elorda ákimdiginiń resmı saıty.
Vaksınany elordanyń túrli uıymdarynyń ókilderi, al negizinen qalalyq volonterler shtabynyń eriktileri aldy. Kóbinese bul — áleýmettik qyzmetpen únemi aınalysatyn 18-29 jas aralyǵyndaǵy jastar. Olardyń arasynda azyq-túlik sebetterin tasymaldaý, jaǵdaıy tómen jandarǵa ataýly kómek kórsetý, ekologııalyq aksııalar ótkizý, «Birgemiz Qazaqstan» jobalaryna qatysý, múmkindigi shekteýli jandarǵa, kópbalaly analarǵa, jalǵyz basty qarttarǵa kómek kórsetý.
«Aıta ketý kerek, qalalyq volonterlik uıymdarǵa qatysýshylardyń kópshiligi koronavırýsqa qarsy vaksına aldy. Vaksına eń aldymen volonterlerge qajet. Olar halyqpen únemi baılanysta bolady. Búginde elordada jalpy alǵanda 60 myńnan astam adam volonterlik qyzmetpen aınalysady. Bul qala jastarynyń úshten biri – qoǵamdyq qorlar, bastamashyl toptar, zańgerler, pedagogter, izdeýshiler, janýarlardy qorǵaýshylar jáne t.b. Biz saýal joldaǵanda olardyń kóbi vaksınasııalanǵany anyqtaldy. Biz áriptesterimizdiń bárin vaksına alýǵa úgitteımiz. Vaksınany áli almaǵan eriktilerge ózimizdi mysal etemiz. Bul eń birinshi kezekte olardyń qaýipsizdigi, óz densaýlyǵyn jáne ózgelerdiń densaýlyǵyn qorǵaý úshin qajet», dedi qalalyq eriktiler shtabynyń jetekshisi Shyńǵys Tileýlın.
Eriktiler halyqty vaksınasııalaý — pandemııany eńserýdiń jáne qalypty jaǵdaıǵa oralýdyń birden-bir tıimdi tásili ekenine senimdi. Sol sııaqty KVI-ge qarsy vaksına alý arqyly óz densaýlyǵyn ǵana emes ózgelerin de qaýipten qorǵaıdy degen oıda.
«Men qalalyq shtabtyń eriktisimin, jalǵyzbasty analarǵa, qarttarǵa, sondaı-aq ata-anasynyń qamqorlyǵynsyz qalǵan balalarǵa jıi baramyn. Búgin ózimdi jáne aınalamdaǵy adamdardy qorǵaý úshin vaksına aldym», deıdi Adelıa Bekarystanova.