Ákimder azamattarǵa ekpe salý naýqanynan shettep qalǵan sııaqty. Bul týraly Memleket basshysy Qasym-Jomart Toqaev aýyl ákimderin saılaý máseleleri jóninde keńeste aıtty, dep habarlaıdy Egemen.kz.
«Ákimder azamattarǵa ekpe salý naýqanynan shettep qalǵan sııaqty. Áleýmettik nysandardyń, bıznes kásiporyndardyń jáne jalpy eldiń ekonomıkasy vaksınalaýdyń sátti júrgizilýine tikeleı baılanysty ekenin túsiný kerek. Qazir jappaı vaksınalaý naýqany ákimder jumysynyń eń mańyzdy mindetteriniń qatarynda bolýy qajet. Sizder barynsha belsendilik tanytyp, azamattardy vaksınalaý naýqanyna ózderińiz jetekshilik etýlerińiz kerek», dedi Prezıdent.