Premer-Mınıstrdiń orynbasary Eraly Toǵjanovtyń aıtýynsha, koronavırýstyń bul shtammy óte qaýipti. Sondaı-aq DDSU málimetteri boıynsha, «Delta» koronavırýsynyń shtammy álemniń 74 elinde anyqtalǵan, dep jazady Egemen.kz.
«Bul aýrýhanaǵa jatqyzý men ólimniń joǵary yqtımaldyǵyn týdyrady. Sonymen qatar ol basqa shtamdarǵa qaraǵanda 60% juqpaly: orta eseppen bir adamnan 5-6 adam indetti juqtyrady. О́zińizdi qorǵaýdyń jáne aýrýdyń qaýpin azaıtýdyń qarapaıym ádisi bar – ol koronavırýsqa qarsy egilý. Sondyqtan árbir qazaqstandyqqa óz densaýlyǵyna, jaqyndary men týystarynyń densaýlyǵyna qamqor bolýǵa jáne qysqa merzimde COVID-19-ǵa qarsy vaksına saldyrýdy taǵy da usynamyn! Búgingi tańda medısınalyq uıymdardaǵy vaksınalar qory jetkilikti», dedi vıse-premer.
Ol sondaı-aq aqpan aıynan bastap elge 7 mıllıonǵa jýyq vaksına jetkizilgenin habarlady. Búgingi tańda 4,6 mln doza ekpe jasaldy, onyń ishinde 2,8 mln adam 1-komponentpen egildi, bul vaksınasııalaýǵa jatatyn halyqtyń 28%-y. Al 1,7 mln adam vaksınanyń ekinshi komponentin aldy.
О́ńirlerde 2,4 mln-nan astam vaksına dozasy bar. Qosymsha jetkizý kestege sáıkes júzege asyrylatyn bolady.