Qashyqtyqtan jumys isteý endi Eńbek kodeksinde zańmen belgilendi. Búgin Senatta depýtattar tıisti zań qabyldady. Eńbek kodeksine «qashyqtan jumys» jáne «aralas qashyqtyqtan jumys» sııaqty uǵymdar engizildi, sondaı-aq zańnamadaǵy osyndaı jumys sıpattaryna qatysty olqylyqtar tolyqtyryldy, dep jazady Egemen.kz.
«Qazirgi tańda qashyqtan jumys isteý álemdik trendke aınalyp otyr. Buǵan árıne, pandemııa da óz áserin tıgizdi. Elimizde azamattar qashyqtan jumys isteý rejımine kóshken kezde tıisti zańnamalyq retteýdiń joqtyǵy eńbek qatynastary salasynda keıbir máselelerdi týǵyzǵany belgili. Osy zań qashyqtan jumys isteýdiń quqyqtyq negizderin odan ári qalyptastyrýǵa arnalǵan», dedi Senat Tóraǵasy Máýlen Áshimbaev.
Parlament depýtattary qazaqstandyqtardyń eńbek quqyqtaryn qorǵaýǵa arnalǵan zańǵa bastama jasaǵan bolatyn. «Qashyqtaǵy» qyzmetkerlerge arnalǵan jańalyqtardyń ishinde - belgilengen jumys ýaqytynyń tirkelgen esebi, jumys berýshiniń óz qyzmetkerlerin jabdyqtarmen, baılanys qyzmetterimen qamtamasyz etý jónindegi mindeti jáne basqa da birqatar erejeler bar.
Eger qyzmetker eńbek shartynda kórsetilgen jumys kólemin oryndasa, qashyqtan jumys sıpatyndaǵy jalaqy tolyq mólsherde tólenýi kerek.