Senat depýtaty Talǵat Musabaev saıabaqta ıtin serýendetip júrgen qyzǵa qol jumasaǵan, dep habarlaıdy Egemen.kz.
Nur-Sultan qalalyq polısııa departamentiniń málimeti boıynsha, oqıǵa 24 maýsymda bolǵan. Musabaev pen elorda turǵyny Alına Nurtas arasyndaǵy janjal saıabaqta bolǵan. Qyz ıtin serýendetip júrgenin aıtady.
«Saıabaqta qysqa qarǵybaýǵa baılanǵan ıtimmen serýendep júrgenmin. Kishkeneden soń bireýdiń aıǵaılaǵanyn estidim. Mán bermeı júre berdim. Jaqyndap kelip, taǵy aıǵaılady. Murnymnyń astynan dóreki adamǵa balaǵat sóz aıttym da, odan ári júre berdim. Er adam burylyp, serpildi de, ıyǵymnan judyryǵymen bir urdy. Qolym jansyzdanyp qaldy», deıdi zardap shegýshi.
Alına Nurtastyń aıtýynsha, oqıǵa ornyna polısııa shaqyrylǵan, keıin ol quqyq buzýshy senat depýtaty Talǵat Musabaev ekenin bilgen.
Nur-Sultan polısııa departamenti atalǵan janjalǵa Talǵat Musabaev shynymen de qatysty ekenin rastady.
«24 maýsym kúni saǵat 17: 22-de «102» arnasyna Momyshuly kóshesindegi Trıatlon saıabaǵynda er adam qyzdy uryp, onymen dóreki sóıleskeni týraly qońyraý tústi. Oqıǵa ornyna avtopatrýl jiberildi. Er adam men ıt ıesi arasyndaǵy janjal úı janýaryn tumyldyryqsyz serýendetýge baılanysty shyqany anyqtaldy. Derek boıynsha tekserý júrgizilip jatyr», dedi qalalyq polısııa departamentiniń baspasóz qyzmeti ókili.