Búgin fýtboldan Eýropa chempıonatynyń pleı-off kezeńindegi sońǵy matchtar ótýde, dep habarlaıdy Egemen.kz.
Kezekti 1/8 fınal básekesinde Anglııa men Germanııa quramalary kezdesip, alǵashqysy shırek fınal joldamasyna ıelik etti.
Bıylǵy birinshiliktiń fınaly ótetin áıgili «Ýemblı» (London) stadıonyndaǵy oıynda alań ıeleri 2:0 esebimen jeńiske jetti. Oıynnyń esebin 75-mınýtta Anglııa jáne «Manchester Sıtı» klýbynyń shabýylshysy Rahım Sterlıng ashsa, 86-mınýtta «Tottenhem» oıynshysy Harrı Keın baspen tamasha gol soǵyp, matchtyń núktesin qoıdy.
Kezdesýdiń birinshi taımynda Germanııa fýtbolshylarynyń gol soǵatyn birneshe múmkindigi bolǵan edi. Biraq 2014 jylǵy álem chempıondary birde-bir shabýylyn golǵa aınaldyra almady. Nátıjesinde, Germanııa Eýropa chempıonatyn 1/8 fınalda aıaqtaýǵa májbúr boldy. Sondaı-aq bul Ioahım Levtiń bas bapker retindegi sońǵy oıyny boldy. Endi Germanııa quramasynyń tizginin «Bavarııanyń» eks-bas bapkeri Hans-Dıter Flık ustaıdy.
Al Anglııa quramasy Eýro dodanyń jartylaı fınalyna shyǵý úshin sálden keıin bastalatyn Shvesııa jáne Ýkraına kezdesýiniń jeńimpazymen oınaıdy.