Nursultan Nazarbaev Reseı Federasııasynyń Prezıdenti Vladımır Pýtınmen kezdesti, dep habarlady Elbasynyń baspasóz qyzmeti.
Kezdesý barysynda Joǵary Eýrazııa ekonomıkalyq keńestiń Qurmetti tóraǵasy Qazaqstan-Reseı yntymaqtastyǵy burynnan memleketaralyq qatynastyń jarqyn úlgisi ekenin atap ótti.– Bizdiń baılanysymyzdyń tarıhy, ıaǵnı Qazaqstan men Reseı arasyndaǵy qarym-qatynas – turaqty ári memleketaralyq qatynastyń úlgisi bolyp sanalady. Men budan bylaı da osy baǵytty ustana beremin, – dedi Elbasy.Nursultan Nazarbaev Reseı Prezıdentine pandemııa kezinde Qazaqstanǵa kórsetip jatqan qoldaýy úshin rızashylyǵyn bildirip, Qaraǵandy farmasevtıkalyq zaýytynda reseılik vaksına shyǵarý aıasyndaǵy tıimdi áriptestiktiń jaıyna toqtaldy.Vladımır Pýtın koronavırýs pandemııasynyń teris áserine qaramastan, ekijaqty baılanys oń qarqyn alyp otyrǵanyn atap ótti. – Sizdiń arqańyzda Reseı men Qazaqstan arasyndaǵy qarym-qatynastyń damý qarqyny bolashaqqa senimmen qaraýymyzǵa múmkindik beredi. Pandemııa saldarynan taýar aınalymy 4 nemese 5 paıyz tómendegenine qaramastan, bıylǵy jyldyń alǵashqy jartysynda 20 paıyzǵa jýyq ósim baıqalyp otyr. Bul ózge baǵyttar boıynsha da bizdiń qarym-qatynasymyz óte jaqsy damıtynyn kórsetedi, – dedi Vladımır Pýtın.