1 shildeden bastap Qazaqstannyń barlyq óńirlerinde kezekti «El tiregi – Elbasy» aýqymdy aksııasy bastaldy, dep habarlaıdy Egemen.kz.
Jalpy somasy 500 mln teńgege 1 mln kg-nan astam qajetti ónim 20 000 otbasy arasynda bólinedi. Ár otbasyǵa kúrish, qaraqumyq, un, makaron, ósimdik maıy, buqtyrylǵan et, qant, shaı jáne kámpıtter sııaqty 50 kg quraıtyn sebetter beriledi.
Azyq-túlik sebetterin qor buryn kómek kórsetken otbasylarǵa: az qamtylǵan, kópbalaly, sondaı-aq qıyn materıaldyq jaǵdaıǵa tap bolǵan erekshe qajettilikteri bar balalarǵa berý josparlanýda.
«Halyq» qorynyń qaıyrymdylyq aksııasy bıyl birneshe ret ótkiziledi. Biz elimizdiń barlyq azamattary men kásipkerlerine úndeý tastaımyz. Bizge qosylyp, «El tiregi – Elbasy» aksııasyn qoldańyzdar. Biz birlesip qaıyrymdylyqtyń aýqymyn ulǵaıta alamyz!», deıdi qordyń qamqorshylyq keńesiniń tóraıymy Dınara Qulybaeva.
Qordyń azyq-túlik sebetterin ár otbasylarǵa eriktiler jetkizetin bolady.