Oblystyq ekologııa departamenti mamandarynyń aqparatyna qaraǵanda, 1 shildede saǵat 17:40-ta «Teńizshevroıl» JShS ıgerip jatqan Teńiz ken ornynda gaz alaýy janǵan, dep habarlaıdy Egemen.kz.
Buǵan munaı jelisindegi aqaý sebep bolyp otyr.
«Ekinshi býyn zaýytynyń munaı jelisinde klapannyń jabylý sebebinen zaýyt jumysy men shıki gazdy jer qoınaýyna aıdaý óndirisi toqtatyldy. О́ndiris pen qyzmetkerlerdiń qaýipsizdigin qamtamasyz etý maqsatynda otyn gazy jaǵyldy», dep habarlady departamenttiń baspasóz qyzmeti.
Endi departament mamandary jospardan tys tekserý júrgizbek. Sol kezde aqaýdyń sebepteri men ózge de málimetter anyqtalady.