2021 jyly ulttyq biryńǵaı testileýdiń ortasha baly ótken jylmen salystyrǵanda 5 upaıǵa joǵary. Bul týraly Ulttyq testileý ortalyǵy dırektorynyń mindetin atqarýshy Naýjan Dıdarbekova habarlady, dep jazady Egemen.kz.
Ulttyq testileý ortalyǵy dırektorynyń mindetin atqarýshy Naýjan Dıdarbekovanyń aıtýynsha, bıylǵy ulttyq biryńǵaı testileýdiń ortasha baly - 69,08. Bul 2020 jylmen salystyrǵanda 5 upaıǵa joǵary.
Bıyl 88 101 talapker shekti baldy jınasa, 57 187 túlek belgilengen shekti ball jınaı almaǵan.
«Ortasha baldyń ósýi mektep bitirýshilerdiń emtıhandy eki ret tapsyrý múmkindigine ıe bolýymen baılanysty dep esepteımiz», dedi N.Dıdarbekova.
Ol UBT-ǵa bıyl 145 288 talapker qatysqanyn, onyń ishinde 65,5%-y – qazaq, 24,3%-y – orys tilinde, 0,2%-y aǵylshyn tilinde tapsyrǵanyn aıtty.
Bıylǵy synaqta 1 923 túlek 120 baldan joǵary jınasa, tek 1 talapker ǵana barlyq suraqqa durys jaýap berip, 140 ball aldy. О́tken jyly eń joǵary ball 139 bolǵan edi.