Qazaqstan Respýblıkasynyń Tuńǵysh Prezıdenti, Elbasy Nursultan Nazarbaevtyń sarabdal saıasatymen el dáýleti artyp, tuǵyry nyǵaıǵany ámbege aıan. Táýelsizdigimizdi tórtkúl dúnıege pash etip, damýshy elderge tán ótpeli kezeńnen ótken elimizdiń ár jyly jetistikter men jeńisterge tolyp keledi. Áleýmettik-ekonomıkalyq salada kezeń-kezeńimen júrgizilgen reformalar qazaqstandyqtardyń yntymaǵyn arttyryp, yrysyn tasytty hám berekesin kirgizdi. Halqymyzdy nurly jolǵa bastaǵan Elbasymyzdyń «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýy aty aıtyp turǵandaı-aq órkenıetti elder qatarynan ózindik ornyn belgilep, ózge elderge úlgi bola bastaǵany taǵy bar. Osy eldiń tól perzenti retinde el mereıin tasytýǵa qarlyǵashtyń qanatymen sý sepkendeı septigimdi tıgize alsam perzenttik bir paryzymnyń ótelgeni dep te sanaımyn. Bile bilsek, bul qujat árbir qazaqstandyqty jigerlendiretin, ultjandy azamattardyń boıyndaǵy bolashaqqa degen senimdi kúsheıtetin tarıhı mańyzy bar qundylyq ekenin óskeleń urpaq árdaıym esinde ustasa quba-qup.
Qazaqstan Respýblıkasynyń Tuńǵysh Prezıdenti, Elbasy Nursultan Nazarbaevtyń sarabdal saıasatymen el dáýleti artyp, tuǵyry nyǵaıǵany ámbege aıan. Táýelsizdigimizdi tórtkúl dúnıege pash etip, damýshy elderge tán ótpeli kezeńnen ótken elimizdiń ár jyly jetistikter men jeńisterge tolyp keledi. Áleýmettik-ekonomıkalyq salada kezeń-kezeńimen júrgizilgen reformalar qazaqstandyqtardyń yntymaǵyn arttyryp, yrysyn tasytty hám berekesin kirgizdi. Halqymyzdy nurly jolǵa bastaǵan Elbasymyzdyń «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýy aty aıtyp turǵandaı-aq órkenıetti elder qatarynan ózindik ornyn belgilep, ózge elderge úlgi bola bastaǵany taǵy bar. Osy eldiń tól perzenti retinde el mereıin tasytýǵa qarlyǵashtyń qanatymen sý sepkendeı septigimdi tıgize alsam perzenttik bir paryzymnyń ótelgeni dep te sanaımyn. Bile bilsek, bul qujat árbir qazaqstandyqty jigerlendiretin, ultjandy azamattardyń boıyndaǵy bolashaqqa degen senimdi kúsheıtetin tarıhı mańyzy bar qundylyq ekenin óskeleń urpaq árdaıym esinde ustasa quba-qup.
Osy turǵyda, búgingi kúni elimizde memlekettik basqarý salasynda keń aýqymdy reformalar júrgizilip jatqany barshamyzǵa málim. Bul reformalardyń basty maqsaty – memlekettik qyzmet salasyn ýaqyt talabyna saı jetildirip, sapasyn jaqsartý, basqarý júıesiniń tıimdiligin arttyrý, búgingi tańda kórsetilip otyrǵan memlekettik qyzmet deńgeıin kóterý, kadr saıasatyn memlekettik saıasatqa saı júıeleý syndy kóptegen máselelerdi sheshýge baǵyttalyp otyr. Jer jánnaty Jetisý jerinde bul ózgerister halyq tarapynan keń qoldaýǵa ıe bolyp otyr.
Adam balasyn bul ómirde shyńǵa jeteleıtin zor kúsh bar ol – bolashaqqa degen senim men Otanynyń ósip-órkendeýine óziniń eńbegimen úles qosamyn degen úmiti. Adam balasynyń jan dúnıesiniń tereń qoınaýynda oryn alatyn bul qasıetter úlken isterdiń júzege asýyna túrtki bolady. Keler jyl barsha qazaq eli úshin qasterli jyl bolyp otyr. Jylqy qazaq úshin eń qasıetti janýardyń biri bolyp sanalǵan. Bul jyly tulpardaı kókjıekke talpynyp, uly isterdiń uıytqysy bolyp, bıik-bıik belesterdi baǵyndyramyz degen senim mol.
Táýelsizdik jyldary jetken tabystarymyzdyń altyn kilti el arasyndaǵy yntymaq pen birlik ekeni aıdan anyq. Osy tatýlyqty saqtaýda jáne halqymyzdyń dáýletin arttyrýda memlekettik qyzmetkerlerdiń orny erekshe degim keledi.
«A» korpýsyndaǵy joǵary laýazymdaǵy memlekettik qyzmetkerlerdiń aldyna qoıylǵan mindetter kezeń-kezeńimen sapaly iske asyrylyp otyrsa sonyń nátıjesinde elimizdiń básekege qabiletti ozyq elderdiń qatarynan kórinetindigine kámil senemin.
«B» korpýsyndaǵy memlekettik qyzmetkerlerdiń memlekettik saıasatty iske asyrýda erekshe mańyzǵa ıe ekendigin bilemiz. Bul sanattaǵy memlekettik qyzmetkerler halyqpen tyǵyz jumys isteıtindikten qoǵamdy tolǵandyryp júrgen ózekti máselelerdi sheshýde atqaratyn mindetteri zor. Sondyqtan keler jyldan taǵy bir kúterim memlekettik qyzmetkerlerdiń óz mindetterin adal oryndap, tazalyqtyń úlgisin kórsete bilgeni. Eksheı bilsek, bul da Elbasynyń sarabdal saıasatyna saı elim, jerim degen ár azamattyń kókeıindegi kóp oıdy iske asyrý bolyp sanalady.
2013 jylda qoǵamda saıası máni óte joǵary naýqan – aýyldyq, kenttik okrýg ákimderiniń saılaýy boldy. Saılanǵan ákimder keleshekte zańnama talaptaryn qatań basshylyqqa alyp, ózderiniń qyzmetterinde zań buzýshylyqqa, beıádep is-áreketterge jol bermese eken degen tilek basym. О́ıtkeni, oblystyq Tártiptik keńes otyrysynda qaralatyn máselelerdiń basym bóligi aýdan, qala jáne aýyldyq okrýg ákimderi tarapynan jiberilgen zań buzýshylyqtar bolyp otyr. Bul olqylyqtardy birlesken sharalar atqaryp, memlekettik qyzmetkerlerdiń jaýapkershiligin arttyrý arqyly keleshekte joıamyz dep senimmen aıta alamyz. «Bulaq basynan tunady» degen danalyqty berik ustanyp aldaǵy Jańa jyldan kúterim, senim bıiginen kóriný. Túıindeı kele barsha qazaqstandyqtardy jańa jyl jańa tabystarǵa jetelesin, el irgesi aman, jurtymyz tynysh, Elbasymyz aıqyndaǵan nurly jolda taımaı eńbek etý úshin kúsh, qaırat, jiger, sarqylmas qýat tileımin!
Marat ORAZALI,
Qazaqstan Respýblıkasy Memlekettik qyzmet
isteri agenttigi Almaty oblysy boıynsha
departamentiniń basshysy – Tártiptik keńes tóraǵasy.
Taldyqorǵan.