Rımde Elbasynyń «Táýelsizdik dáýiri» kitabynyń tusaýkeseri ótti

Nursultan Nazarbaev Qory­nyń qoldaýymen ótken is-shara­ǵa Italııanyń saıası, qoǵamdyq já­ne ǵylymı ortalarynyń ókilde­ri qatysty. Olardyń arasynda Depýtattar palatasynyń vıse-prezıdenti Ettore Rozato, depýtat, «Qazaqstan-Italııa» dos­tyq tobynyń prezıdenti Edmondo Chırıellı, Qazaqstan-Italııa saý­da palatasynyń tóraǵasy Paolo Gırellı, Qazaqstannyń Sı­sılııadaǵy qurmetti konsýly Ales­sandro Arborıo, Vision & Global Trends Jahandyq taldaý halyqaralyq ınstıtýtynyń prezıdenti Tıberıo Grasıanı jáne basqalar boldy.

2017 jyldyń jeltoqsanynda jaryq kórgen «Táýelsizdik dá­ýi­ri» kitaby tarıhı pýblısıs­tı­ka janrynda jazylǵan jáne ol avtordyń eldiń jańa tarıhy men onyń bolashaǵyna degen kózqarasyn kórsetedi. Elba­sy­nyń eńbeginde damýdyń «qa­zaqstandyq modeliniń» máni, evo­lıýsııasy, negizgi qaǵıdalary, mehanızmderi men qozǵaýshy kúshteri sıpattalǵan. Sonyń ar­qasynda totalıtarlyq júıeni ydy­ratyp, naryqtyq ekonomıkany qurý mindetteri oıdaǵydaı sheshilgen bolatyn.

Qazaqstannyń Italııadaǵy el­shisi Erbolat Sembaev kitap­tyń tu­saýkeser rásimin ashyp: «Jas tá­ýelsiz memlekettiń qalyp­ta­sýyn­daǵy mańyzdy kezeńder tý­raly kitap Qazaqstan Res­pýb­­­lıkasynyń Tuńǵysh Prezı­den­ti Nursultan Ábishuly Nazar­baev­tyń arhıvinde saqtal­ǵan je­ke estelikterine negizdelip ja­zylǵan», dedi. Sondaı-aq elshi ki­tap­ty ıtalıan tiline aýda­rýdyń Qa­zaqstan men Ita­lııa arasyndaǵy dos­tyq qaty­nastardy nyǵaıtý úshin ma­ńyz­dylyǵyn atap ótti. «Búginde Italııa Qazaqstannyń negizgi saý­da seriktesteri tiziminde álem boıynsha ekinshi jáne Eýropa Odaǵy elderi arasynda bi­rin­shi orynǵa ıe jetekshi ınves­tor­larynyń biri bolyp sanalady», dedi E. Sembaev.

Tusaýkeser aıasynda Nur­sultan Nazarbaev Qory atqa­rý­shy dırektorynyń orynbasary, Eýropa Keńesi Venesııa komıssııasynyń Qazaqstan Res­pýblıkasynan múshesi Igor Rogov beıneúndeý jasady.

I.Rogovtyń pikirinshe, «Qa­zaq­standyq tabystyń formýlasy etnosaralyq birliktiń úı­lesimdi modelinen, progressıvti eko­nomıkalyq damýdan, sondaı-aq halyqtyń ál-aýqaty men ómir súrý sapasyn arttyrýǵa baǵyt­talǵan tıimdi memlekettik saıa­sattyń negizderin ustanýdan qu­ralady».

Tıberıo Grasıanı: «Qazaq­stan álemdik arenaǵa shyqty. Eýrazııa kontınentindegi eki alyp­­tyń ortasynda turǵan ol en­di jahandyq oıynshyǵa aınalyp otyr. Bul – Qazaqstannyń Or­talyq Azııadaǵy jaǵdaıyn eskere kelgende aıtar sóz», dedi.

Edmondo Chırıellı Elba­sy­nyń Qazaqstandy jańar­týdaǵy, respýblıkanyń basqa eldermen dostyq qarym-qatynasyn nyǵaıtýdaǵy orasan rólin atap ótti. «Joǵary mádenıetti, jo­ǵa­ry adamı jáne saıası kózqa­ras­tary bar Nursultan Nazarbaev Qazaqstandy Ortalyq Azııada­ǵy negizgi aımaqtyq oıynshy­­ǵa aınaldyrýda basty tulǵa bolyp otyr. Ol Qazaqstan Res­pýblıkasyn kóregendikpen bas­qara bildi jáne óz Otany men halq­ynyń amandyǵy men qaýip­siz­digin qamtamasyz ete otyryp, áleý­mettik qundylyqtar­dy ulttyq qundylyqtarmen úı­le­s­tire aldy.

Men Qazaqstannyń damý barysyn árdaıym qadaǵalap otyrdym. Sondyqtan Nazarbaevtyń modeli men strategııalyq saıasaty el men onyń halqyn uly etkenin jáne basqa eldermen, atap aıtqanda, Italııamen berik qarym-qatynasty nyǵaıtýǵa úles qosqanyn rastaı alamyn», dedi Edmondo Chırıellı.

Italııa Parlamentiniń depý­tattary Qazaqstan Res­pýb­lıkasy Tuńǵysh Prezıdentiniń ıtalıan tiline aýdarylǵan kitaby Ita­lııa qoǵamy men azamattary úshin Qazaqstan tarıhynyń jańa bet­terin ashatynyn, bul óz keze­ginde eki halyqtyń jaqyndasýyna oń yqpal etetini sózsiz ekenin atap ótti.

Tusaýkeser rásiminiń sońynda «Táýelsizdik dáýiri» kitaby alda­ǵy ýaqytta Italııadaǵy Orta Azııa elderin zertteıtin ǵyly­mı ortalyqtardyń, jergilikti kitaphanalar men joǵary oqý oryn­darynyń qoryna beriletini aıtyldy.