Qazaqstan Respýblıkasy Táýelsizdiginiń 30 jyldyǵy jáne elimizdiń astanasy Nur-Sultan qalasynyń týǵan kúnine oraı, Qazaqstan Respýblıkasy Mádenıet jáne sport mınıstrligi Qoljazbalar jáne sırek kitaptar ulttyq ortalyǵy men qalalyq arhıv mekemesi birlesip «Tarıh tańdaǵan elorda» atty kórme uıymdastyrdy.
Atalmysh kórme XIX ǵasyrdan bastap qazirgi kúnge deıingi elordanyń tarıhyn baıandaıtyn arhıvtik qujattar men sırek kitaptardan quralǵan eken. Atap aıtatyn bolsaq, Ulttyq ortalyqtyń qorynda saqtaýly «Izvestııa» gazetiniń 1918-1921 jyldar aralyǵynda jaryq kórgen ár sanynda birinshi dúnıejúzilik soǵys kezeńindegi qazaq eliniń jaǵdaıy jáne 1921-1922 jyldary aralyǵynda elimizdiń keıbir oblystaryn qamtyǵan asharshylyqty baıan etetin taqyryptar bar.
Sondaı-aq kórermen kórme sóresinen Nur-Sultan qalasy memlekettik arhıviniń qorynda saqtaýly qujattardy tamashalaı alady. Bulardyń arasynan Aqmolanyń alǵash áskerı bekinis retinde salynýyn, qalyptasýyn kezeń-kezeńimen sıpattaıtyn foto-arhıvtik qujattar kópshilik nazaryn aýdardy. «Kórme shilde aıynyń sońyna deıin jalǵasady», deıdi uıymdastyrýshylar.