Alǵashqy jarty jyldyqta elimizde tirkelgen hakerlik shabýyl sany 13,9 myńǵa jetken. Bul byltyrǵy jylmen salystyrǵanda 20,1%-ǵa joǵary. Bul týraly KZ-CERT kompıýterlik ınsıdentterge áreket etý qyzmeti málimdedi, dep habarlaıdy Egemen.kz.
Ranking.kz sarapshylarynyń jazýynsha, atalǵan quqyqbuzýshylyqtyń jartysynan kóbi botnet arqyly jasalǵan. Botnet – qaýipti kompıýterlik baǵdarlama ornatylǵan kompıýterler jelisi. Hakerler osy arqyly basqa qurylǵylardy qashyqtan basqara alady. Degenmen, dál osy botnet kórsetkishi byltyrǵymen salystyrǵanda 4,2%-ǵa tómendegen. 2019 jyly ol 82,7% bolǵan edi.
Al vırýsy bar baǵdarlama ornatý sany 3,1 ese óskeni baıqalady.
Sarapshylardyń aıtýynsha, 13,9 myń hakerlik shabýyl - osy ýaqytqa deıin tirkelgen eń joǵary kórsetkish.