Atyraý munaı óńdeý zaýyty 60 mln teńgeden astam aıyppul tóledi. Oǵan bıologııalyq tazartý qurylǵysynan shyqqan aqaý sebep bolǵan, dep habarlaıdy Egemen.kz.
Byltyrǵy qarashada oblystyq ekologııa departamenti jergilikti qoǵam belsendilerimen birge Atyraý qalasynyń ekologııalyq ahýalyna monıtorıng júrgizý kezinde «AMО́Z» JShS tarapynan aǵyzylǵan sý quramynda munaı ónimderi men bıologııalyq shlamnyń baryn anyqtaǵan edi.
«Atalǵan derekke qatysty «AMО́Z» JShS-ne qatysty jospardan tys tekseris júrgizilip, alynǵan synamadaǵy sý quramynda jobalyq qujattamada belgilengen emıssııanyń normadan asqany anyqtaldy. Atap aıtqanda, jalpy temir jáne qurǵaq qaldyqtar 1,5 ese, sýlfat 2,5 ese, azot amonıı 5 ese, munaı ónimderi 6 ese jáne ólsheýli zattar 628 ese asqan. Osylaısha, sarqyndy sýlardy tazartýsyz tikeleı aǵyzýǵa jol berip, QR Ákimshilik quqyqbuzýshylyq týraly Kodeksiniń 328-babyn buzdy» dep habarlady departamenttiń baspasóz qyzmeti.
Ekologııalyq Kodekstiń 118-babyn basshylyqqa alǵan departament mamandary tekseris materıaldaryn Polısııa departamentine joldaǵan edi. Alaıda, polısııa departamenti «AMО́Z» JShS-ne qatysty qozǵalǵan qylmystyq isti qysqartqan.
«Ekologııa departamenti «AMО́Z» JShS-ne qatysty ákimshilik is qozǵady. Seriktestik 60 221 655 teńge ákimshilik aıyppul mólsherinde ákimshilik jazaǵa tartyldy», dep málim etti baspasóz qyzmetinen.