Oblystyq aýmaqtyq saılaý komıssııasy taratqan aqparatqa qaraǵanda, 18 aýyldyq okrýg ákiminiń saılaýy ótedi, dep habarlaıdy Egemen.kz.
Oǵan 73 úmitker usynylyp otyr. Onyń ishinde 39 úmitkerdi (53,4%) saıası partııalar usynypty. Sondaı-aq, ózin-ózi usynǵan 34 úmitker (46,6%) okrýg ákiminiń laýazymyna saılaný úshin saıası dodada baq synamaq.
«Máselen, NurOtan partııasy 15, «Aýyl» HDPP – 5, «Aq Jol» QDP – 3, «ADAL» partııasy – 6, Qazaqstan halyq partııasy – 7 kandıdat, JSDP 3 úmitker usyndy. Ortasha básekelestik 4 adamdy qurady. 10 shildede 54 úmitker tirkeldi. Bul úmitkerlerdiń – 74 paıyzy», dep habarlady oblystyq aýmaqtyq saılaý komıssııasynan.