Medıa - óner múmkindigi

Kórme Elbasy kitaphana­sy­nyń «Mádenıet arqyly únqa­tysý» halyqaralyq kórme jo­basy aıasynda Qazaqstan Respýb­lıkasyndaǵy Koreıa Respýblıka­sy elshiliginiń Koreı mádenıet ortalyǵymen birlesip, Nursultan Nazarbaev qorynyń kómegimen uıymdastyryldy.

Kórme qazirgi zamanǵy kór­kem tilge, tyń tehnıka salasyna qy­zyǵatyn kórermenderdi qy­­zyq­tyrýǵa baǵyttalǵan. Lı Inam­­­nyń sıfrly týyndylary beı­­ne, dybys, qozǵalys arqyly kó­­rer­menniń shyǵarmamen baılanys ornatýyna, ózin keńistiktiń ishinde sezinýge múmkindik beredi.

Kórmeni Elbasy kitapha­­nasynyń Mýzeı qundylyqtaryn esepke alý jáne saqtaý qyzmetiniń basshysy Kúláısha Aqtaeva ashty: «Bul kórmeniń ereksheligi nede? Munda jıyrma jyldan beri bel­sendi damyp kele jatqan baǵyt usynylady. Ony keıbireýler medıa-óner dese, endi biri dıdjıtal óner dep ataıdy. Biz joba avtory Lı Inam myrzamen habarlasyp, onyń jumysyn tereń zertteı kele, jalpy bir arnaǵa toǵy­sý ıdeıasyn kóterdik. Kórmede adamnyń kúndelikti kúıbeń tir­shilikten sál aıańdap, erteńgi kún týraly oıǵa shomyp, kez kel­gen kedergilerge qaramastan al­daǵy múmkindikterdiń sheksiz­digin kórsetetin bes kartına usy­nyldy».

О́z kezeginde Koreıa Res­pýb­­lıkasynyń Qazaqstan Respýb­lı­kasyndaǵy Tótenshe jáne О́ki­letti Elshisi Ký Hong-sok Táýel­sizdiktiń 30 jyldyǵynda Qa­zaqstannyń astanasynda ashyl­ǵan kórmeniń erekshe mánge ıe ekendigin aıtty.

«Kórme álemge áıgili ko­reıa­lyq medıa-sýretshi Pek Nam Djýn­nyń murasyn jalǵastyrýshy Lı Inamnyń eń alǵashqy ári ja­ńa týyndylary arqyly siz­derge Koreıanyń mádenıeti men sulýl­yǵyn jetkizý úshin uıym­dastyryldy», dedi elshi.

Jahandyq syn-qaterler álem­dik ekonomıkaǵa yqpal etip qoı­maı, ónerde de revolıýsııalyq ózgerister týdyrdy. Muny Lı Inam­nyń Signal of Light sıfr­ly óner týyndylarynyń kór­mesi dáleldeıdi. Vıdeo-artkeńis­tiktegi tús, pishin, jaryq uǵym­da­ryn qabyldaý beıneleý óneriniń aýqymyn keńeıtedi.

Ol úırenshikti emes palıt­­rany negizge alady. Beıne­ma­terıaldardy tamashalaıtyn kó­­rer­mender sıqyrly fonardan kıno­teatrǵa, optıkalyq ıllıýzııa men panoramalyq keskindemeden vırtýaldy ómir­ge deıingi medıa-ónerdiń damýyn baqylaı alady. Beıne sıý­jetteri kórermenniń muqııat qa­rap, tereńirek jáne uzaq sezi­nýine múmkindik beredi.