Qazynaly óńirdiń munaıshylary bıylǵy birinshi jartyjyldyqta 23,4 mln tonna munaı óndirdi, dep habarlaıdy Egemen.kz.
Oblystyq kásipkerlik jáne ındýstrıaldy-ınnovaııalyq damý basqarmasy basshysynyń mindetin atqarýshy Qanysh Mámbetovtiń málimetine súıensek, bul ótken jyldyń osy kezeńindegi kórsetkishtiń 99,8%-yn quraǵan.
«Munaıly óńirdegi eń iri joba – Teńiz ken ornynda 13,5 mln tonna «qara altyn» óndirildi. Kaspıı teńiziniń qazaqstandyq sektoryn ıgerip jatqan NCOC kompanııasy óndirgen munaı kólemi – 7,4 mln tonna. Al, «Embimunaıgaz» AQ 1,2 mln tonna munaı óndirýge qol jetkizdi», deıdi Qanysh Mámbetov.
Onyń aıtýynsha, Atyraý munaı óńdeý zaýytynda qańtar-maýsym aılarynda 2589,7 myń tonna shıkizattyq «qara altyn» óńdeý josparlanǵan. Alaıda, jyl basynan bergi 6 aıda atalǵan zaýytta 2 586,7 myń tonna munaı óńdeldi. Osylaısha, jospar 98,2%-ǵa oryndalyp otyr.