Oblystyq tutynýshylardyń quqyqtaryn qorǵaý departamentiniń basshysy Álem Ýálıevtyń aıtýynsha, atyraýlyq tutynýshylardan 237 aryz túsken. Onyń ishinde 137 aryzdanýshyǵa túsindirý jumysy júrgizilgen, dep habarlaıdy Egemen.kz.
«Tutynýshylardyń 72 aryzyna jaýap berilip, 2 210 343 teńgesi qaıtarylyp berildi. Al, 23 aryzda qozǵalǵan másele departamenttiń qyzmetine qatysty bolmaǵandyqtan, tıisti organdarǵa joldandy», deıdi Álem Ýálıev.
Onyń málimetine qaraǵanda, jyl basynan beri 117 tutynýshy tikeleı jáne baılanys telefony arqyly konsýltatıvtik keńes alǵan. Sondaı-aq e-tutynushy.kz servıstik platformasyna túsken 12 aryzdyń jeteýiniń ıesine túsindirý jumysy júrgizilgen. Al, 5 aryz ıesiniń talaby qanaǵattandyrylǵan.