Túrkistan oblysynda zańsyz oıyn bıznesimen aınalysqandar qamaldy, dep habarlaıdy Egemen.kz Polisia.kz saıtyna silteme jasap.
Saryaǵash aýdandyq polısııa bóliminiń qyzmetkerleri Jibek joly – Jetisaı tas jolynda ornalasqan Saryaǵash qalasynyń ǵımarattarynyń birinde tańǵy saǵat 4.00-de jumys istegen býkmekerlik keńseni anyqtady.
Tekseris barysynda keńse ǵımaratynda qumar oıyndar ótkizilgeni belgili boldy. Oqıǵa ornyna aýdandyq bólimniń jedel-tergeý toby shaqyryldy. Oıyn mekemesinde operator bolyp Saryaǵash aýdanynyń turǵyny, jas áıel jumys istegen.
Tintý kezinde jedel ýákilder eki oıyn avtomatyn, bes júıelik blok pen kassalyq mashınany tárkiledi. Alynǵan zattaı dáleldemelerge saraptama taǵaıyndaldy.
Atalǵan fakti QR QK-niń 307-baby «Zańsyz oıyn bıznesin uıymdastyrý» boıynsha SDTBT-de tirkeldi. Qazirgi ýaqytta oqıǵanyń mán-jaıy anyqtalýda.
Odan bólek, býkmekerlik keńseniń karantındik shekteý sharalaryna qaramastan kelýshilerdi qabyldaǵan qyzmetkerlerine qatysty QR ÁQBtK-niń 425-baby «Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý» boıynsha materıaldar jınap, zańdy sheshim qabyldaý úshin aýdandyq SES-ke jiberildi.