Atyraý oblysynda tutynýshylardyń 1 074 452,3 teńge tólemi qaıta esepteldi, dep jazady Egemen.kz.
Jylýmen jabdyqtaý qyzmetterin kórsetetin tabıǵı monopolııa sýbekteleriniń jylý energııasymen jabdyqtaý qyzmetiniń qunyn qaıta esepteý úshin taldaý júrgizilgen. Osy maqsatta syrtqy aýanyń naqty temperatýrasy eskerilgen.
«О́tken jylytý kezeńinde syrtqy aýanyń naqty joǵary temperatýrasynyń nátıjesinde tutynýshylarǵa 2020-2021 jylǵy jylý maýsymy úshin 5 tabıǵı monopolııa sýbektisi («Jylyoı Sý» MKK, «Qamysqala Sý Arnasy» JShS, «Qalanyń turǵyn úılerine kommýnaldyq qyzmet kórsetý» JShS, «Atyraý oblysy Sý Arnasy» KMK, «Atyraý jylý elektr ortalyǵy» AQ) boıynsha jalpy somasy 1 074 452,3 teńgeniń (qosymsha qun salyǵynsyz) qaıta esepteýi jasaldy. Onyń ishinde «Atyraý jylý elektr ortalyǵy» AQ jalpyúılik jylý esepteý aspabynsyz – 313 734,28 teńge, eski, apatty úılerde – 177 139,0 teńge, «Qaladaǵy turǵyn úılerge kommýnaldyq qyzmet kórsetý» JShS – 187 287,1 teńge, «Atyraý oblysy Sý Arnasy» KMK – 103 552,0 teńge, «Jylyoı Sý» MKM – 43 128,1 teńge, «Kamyskala Sý Arnasy» JShS-de 249 611,8 teńgeni qurady. Al, jalpyúılik jylý esepteý aspabyn qoldanýǵa kóshken tutynýshylar tólemderdi jylý energııasynyń naqty paıdalanǵan kólemi boıynsha júrgizedi. Bul tutynýshylarǵa qaıta esepteýdi júrgizý qajettiligi joq», delingen Tabıǵı monopolııalardy retteý komıteti óńirlik departamentiniń aqparatynda.