Shyǵys Qazaqstan oblysy «qyzyl» aımaqqa kirdi. Qaýlyǵa sáıkes, oblystaǵy qalalar men aýdandardaǵy obektiler óz qyzmetin 1-qosymshaǵa sáıkes «qyzyl» aımaq úshin kózdelgen ólshemsharttar negizinde júzege asyratyn bolady, dep habarlaıdy Egemen.kz.
«Qyzyl» aımaqtaǵy áleýmettik-ekonomıkalyq obektilerdiń jumysyn shekteý men ruqsat berý ólshemsharttaryna sáıkes: «ASHYQ»jobasyna qatysatyn obektilerdi qospaǵanda, qalaaralyq, oblysaralyq, qalalyq turaqty jáne turaqty emes (týrıstik) avtobýs, shaǵyn avtobýs tasymaldary, jabyq jaǵajaılar men akvaparktardyń qyzmeti toqtatyla turady.
Demalys jáne mereke kúnderi:
- qoǵamdyq kóliktiń;
- «ASHYQ» jobasyna qatysatyndardy qospaǵanda, qoǵamdyq tamaqtaný obektileriniń;
- «ASHYQ» jobasyna qatysatyndardy qospaǵanda, fıtnes-ortalyqtardyń, fıtnes-klýbtardyń, ıoga-ortalyqtarynyń, sporttyq-saýyqtyrý obektileriniń, saýnalardyń, SPA-ortalyqtardyń, basseınderdiń;
- «ASHYQ» jobasyna qatysatyndardy qospaǵanda, kınoteatrlardyń, teatrlardyń, konsert zaldarynyń, fılarmonııanyń, kompıýterlik klýbtardyń, boýlıng, bılıard, karaoke zaldarynyń, kórmelerdiń;
- «ASHYQ» jobasyna qatysatyndardy qospaǵanda, aýdany 2000 sh.m. deıingi azyq-túlik emes taýarlardy satatyn obektilerdiń, ashyq bazarlardyń, jármeńkelerdiń;
- «ASHYQ» jobasyna qatysatyndardy qospaǵanda, sport obektileriniń (sport keshenderiniń, sport mektepteriniń, sport klýbtarynyń, jattyǵý zaldarynyń);
- bilim berý ortalyqtarynyń, balalar men eresekterge arnalǵan úıirmelerdiń, balalar damý ortalyqtarynyń;
- «ASHYQ» jobasyna qatysatyndardy qospaǵanda, fýdkorttardyń qyzmetine tyıym salynady.
Jumys kúnderi:
- fıtnes-ortalyqtardyń, fıtnes-klýbtardyń, ıoga-ortalyqtarynyń, sporttyq-saýyqtyrý obektileriniń, saýnalardyń, SPA-ortalyqtardyń, sporttyq obektilerdiń, basseınderdiń;
- «ASHYQ» jobasyna qatysatyndar saǵat 20-00 deıin;
- «ASHYQ» jobasyna qatysýyna qaramastan saǵat 18-00 deıin, saýda oıyn-saýyq ortalyqtarynyń, saýda úıleriniń, saýda jelileriniń;
- qoǵamdyq tamaqtaný obektileriniń, fýdkorttardyń «Ashyq» jobasyna qatysatyndardyń saǵat 20-00 deıin, «ASHYQ» jobasyna qatyspaıtyndardyń saǵat 18-00 deıin qyzmeti shekteledi.
Osy qaýly 27 shildeden bastap kúshine enedi jáne onyń resmı kúshi joıylǵanǵa deıin qoldanylady.
ShQO Sanıtarııalyq-epıdemıologııalyq baqylaý departamenti halyqty sanıtarlyq erejeler men respýblıkalyq, oblystyq Bas memlekettik sanıtarııalyq dárigerlerdiń qaýlylarynyń barlyq talaptaryn saqtaýǵa shaqyrady.