О́tken jeksenbide bolǵan aýyl ákimderiniń saılaýynda 730 orynǵa 2000-nan astam kandıdat boldy. Bul ortasha eseppen bir saılaý okrýgine úsh kandıdattan bolǵanyn bildiredi. Birqatar sebep boıynsha aýyl ákimderiniń tikeleı saılaýyn ótkizý – qazaqstandyqtardyń qoǵamdyq-saıası ómirin demokratııalandyrý maqsatyndaǵy úlken qadam.
Birinshiden, básekege qabiletti jáne ashyq saılaý jergilikti máselelermen tanys jáne ony sheshýdiń kiltin taba alatyn quzyretti jáne jaýapty kandıdattardy ákim laýazymyna saılaýǵa múmkindik beredi.
Ekinshiden, saılanǵan ákimder jergilikti halyqtyń senimin aqtaýǵa bar kúshin salady. Aýyl turǵyndarymen qarym-qatynastyń tıimdiligi ákimderdi elektorattyq qoldaýdyń keıingi deńgeıinde tikeleı kórinis tabatyn bolady.
Úshinshiden, aýyl ákimderiniń tikeleı saılaýynyń engizilýimen eldi mekenderde jergilikti bıliktiń is-áreketine qoǵamdyq baqylaý quraly paıda bolady. Aýyl turǵyndary ózderi turatyn mekenniń ózekti máselelerin talqylaýǵa qatysýǵa jáne ákimderden saılaý aldyndaǵy ýádeleriniń oryndalýyn talap etýge múmkindik alady.
Tutastaı alǵanda, aýyl ákimderin tikeleı saılaý ótkizý jergilikti jerlerdegi basqarýshylardyń jaýapkershiligin arttyrýǵa, sondaı-aq jergilikti qoǵamdastyqtardyń rólin kúsheıtýge yqpal etetin bolady. Aýyl ákimderin saılaý atqarýshy bıliktiń joǵary deńgeılerinde osyndaı saılaý ótkizýge negiz qalaıdy.
Slıamjar AHMETJAROV,
Prezıdent janyndaǵy QSZI áleýmettik-saıası zertteýler bóliminiń aǵa ǵylymı qyzmetkeri